Chumm doch o cho singe! Mir würde gärn nöi Jodel-und Begleit Stimme i allne Tonlage Willkomme heisse!

Warum e Jodlerklub i der Stadt?

Es Jodellied, e Jutz, beides cha üs us der Hektik vor Stadt u üsere lute Zyt userisse – z‘ Singe tuet üs verlangsame, tuet z’Härz u d‘ Seel erfröie. Es cha üs aber o mit der Natur verbinde, es bringt üs ufe Bode zrügg, cha üs ärde.

Z‘ pflegte Singe, Jodle u Jutze bhaltet üs bi üsne Traditione u Wurzle – u üsi Härze wärde wit u offe derbi. Vor allem der Naturjutz verbindet üs mitere archaische Chraft.

Mir si e zfrideni Gruppe u hei e gmüetleche Kontakt mitenand.

Du chasch jederzyt mit üs Kontakt ufnäh u gärn einisch cho inelose oder o grad cho mitmache. Mir fröie üs uf Di!

Mir probe jewils am Mäntig-Abe (19.30 - 21.30), im Restaurant Egghölzli, Weltpoststrasse 16, Bern.

Kontakt

Heidi Maurer:
*031 961 08 40(*keine Werbeanrufe!)
oder per Mail

info@bernabern.ch


Stimmen aus unserem Jodlerklub

«Nach emene aschträngende Tag chani i üsem Jodlerklub dür’z Singe mi Stress abboue»
– Hans